Txoritokiaren lehen ideiak

Txoritokia ez da zooa balitz bezala planteatzen, txorien erreabilitazio espazio bezala baizik. Txorien bizitzako etapa edo garai  baten moduan ulertzen da eta ez azken etapa moduan. Biolentzia hori baztertu nahi da eta istripuren bat  izandako txoriei beste aukera bat eman nahian zainduko dira egunen batean askatzeko helburuarekin. Txoritokiaren barnean espazio desberdinak sortuko dira pausoka gabeziaren arabera, zaintzeko beharrizanen arabera, sailkatua, ospitala bailitzan. Grua bera erabiliko da osasunzentru gisa, beterinarioarentzat, langileentazat, zauri larriak dituzten animalientzat… Gruatik at, baina sareen barne betiere, indarrak berreskuratzeko espazio desberdinak egongo dira.

Txoritokiak 4 atal zurruntasunaren arabera  bereiziak:

                                       1- HORMA -> Egitura zurruna

                                       2- GRUA -> Egitura erdi zurruna

                                       3- IBILBIDEA -> Egitura arina

                                       4- ITXITURA -> Armiarma sarea
 

Abiarioaren ideia nagusia ibilbidea da. Bata, txoritokiaren kanpoaldekoa, harresiaren inguruan goazela (Marsellaren eta txoritokiaren ikuspegia), goiko gaztelua helmuga duena. Bertan, Marsellako ikuspegi orokorraz gain txoritokiaren ikuspegia  ere garrantzitsua izango da. Bestea, txoritokiaren barrualdeko ibilbidea izango da, eta honek berak bereizten ditu zaintzeko beharrizanen araberako txorientzako esparruak. Grua izango da bi ibilbide hauek lotuko dituen elementua, eta beraz, egitura elementu garrantzitsua izateaz gain, konexio lana ere egingo du. Gainera, egun dagoen altuera desberdintasun handiaren ondoriozko irisgarritasun arazoak konpontzen da gruaren bidez, goiko eta beheko aldea zuzenean komunikatzen baititu.

Barrualdeko espazio batzuk airean, zintzilikatuta egongo dira, beste batzuk hormetan itsatsita eta beste batzuk uretan, txori mota eta hauen eritasunaren arabera.

Zein da etorkizuneko arkitektura?

Dokumentalaren laburpena:     

Dokumental osoa:
http://www.rtve.es/alacarta/videos/tres14/tres14-cual-arquitectura-del-futuro/968474

KaleHabitat, Matia kaleko bideoa

ENTREGATUTAKO LAMINA

Lamina osoa

Zatika

Azalpen orokorrak

Lotura eta espazioen proportzioak

Plano orokorrak eta garapenaren eskema

Eraikuntza xehetasuna

Maketa betea hustutzen...

Ikuspegi orokorrak

FATHER and DAUGTHER laburmetraia...

Tamalez, sarritan, ez gara daukagunaz ohartzen daukagun hori galtzen dugun arte, eta galtzen dugunean itzuliko ote den itxaropena mantentzen dugu, nahiz eta jakin itxaropen hori guztiz ezinezkoa, gertaezina dela.
Zorionez, guztiak ez dira ezinezkoak. Zerbaiten ilusioa edo itxaropena izaten da aurrera jarraitzeko gogoa ematen diguna, goizean ohetik jaikiarazten gaituena, nahiz eta bidea gogorra izan borrokatzeko indarra ematen diguna. Ilusio edo helbururik gabe, etorkizuna beltza.

Laburmetrai honetan, maite den pertsona bat galtzeak dakarrena irudikatzen da, kasu honetan, itzuliko ote den itxaropena mantentzen du neskak. Beste askotan bezalaxe, itxaropen horrek badu erlazio bat itsasoarekin. Itsasoa, mugagabea, jarraia, homogeneoa, hutsa...izanik, begi askoren arreta puntua izaten da, hausnarketarako lekua. Zain gauden hori edo nahi dugun hori emango ote digun ustea edo itxaropena, puntu txiki bat urrunean ikusi eta guregana etorriko ote den itxaropena; bizkarrean ukitu bat sentitu, atzera begiratu eta desio dugun hori ikusteko itxaropena.

Laburmetrai hau ikustean, neurri batean identifikatua sentitu naiz, niri ere itsasoak kendu baitzidan gertuko norbait, baina nik ez daukat inongo itxaropenik kendutako hura itzuliko didana. Badakit ezinezkoa dela, eta gauza ezinezkoekin amestea gogoko ez dudanez, haren galera sentimendua txikitzeko erremedioa beti gogoan edukitzea dela uste dut; pertsona bat ahaztea baita benetan hura galtzea.

Betea hustutzeko, lehenengo betea sortu behar...

Aipatu bezala, eraikuntza sistema izango da proiektuaren abiapuntua. Eraikuntza sistema honekin, ez da espazioen araberako forma konkretu bat sortuko, horrek eraikuntza sistema hau mugatzea ekarriko bailuke. Beraz, forma "sinple", "abstraktu" bat sortuko da eraikuntza sistema honekin, kubo bete bat hain zuzen ere. Muturrera eramango da eraikuntza sistema honen erabilera; kubo guztia eraikuntza sistema honen bidez eraikiko da eta ondoren, kubo hori hustuz joango da bere barruan programako espazioak sortzeko. Gainera hustuz doan heinean, bertatik ateratzen diren elementuekin, kanpoaldean beste espazio batzuk sortuko dira, eta beraz ez da ezer alferrik galduko. Beraz, hustutze bakoitzak bi espazio berriren sorrera ekarriko du, bata kubo barrukoa eta bestea kanpoaldekoa.

KUBOA HUSTU-> BARRUAN ESPAZIOAK SORTU-> KENDUTAKOAREKIN ESPAZIO BERRIAK SORTU

Betea eginda, orain hustutzera...

Eraikuntza sistema baten bila...

Lanean ari nintzen moduluentzat eraikuntza sistema bat pentsatzen hasitakoan, zenbait ondorio atera ditut, eta proiektuko zenbait gauza zalantzan jarri ditut.
HAUSNARKETAK:

 

ONDORIO NAGUSIAK:
+Elementu finkoak moduluak erabiltzeak ez du zentzurik.
+Modulazioak ur azalean geratzera behartzen ninduen, horretatik askatuta, lekuari etekin handiagoa ateratzeko aukera: ur azpia, altuera handiagoko elementuak...
+Eraikuntza sistema izango da formaren oinarria -> Guztiaren batasuna bermatu

Beraz,  moduluen ideia apur bat albora utzita, eraikuntza sistema berri bat bilatzen hasi naiz, elementu diferentzial bat izango balitz bezala, beraren errepikapenarekin guztia eraikitzea ahalbidetuko duena, bai finkoa den elementua eta baita merkatuko moduluak ere. Badu nolabait lotura txiki bat moduluen ideiarekin, azken batean, moduluekin ere sistema mugagabe bat bilatzen baita, errepikatu daitekeena. Orain ordea, ez dut bilatu nahi izan moduluak eraikitzeko eraikuntza sistema bat soilik, baizik eta eraikiko den guztia eraikitzeko moduko eraikuntza sistema bat. Uraren gaineko plataformak, itxitura bertikalak eta baita itxitura horizontalak ere eraikuntza sistema berarekin eraikiko dira, eta honela, guztiaren batasun bat lortuko da.

Lotura elementurik gabeko zurezko eraikuntza sistemak

Elementu txikiz osatutako eraikuntza sistema bat bilatu da, sare moduko egitura bat ematen duena, eta egitura eta itxitura bera izatea ahalbidetzen duena. Jarritako baldintzetako bat, elementuen artean lotura elementurik behar ez izatea izan da, eraikuntza errazagoa izateko, irudi garbiagoa eta tektonikoagoa lortzeko...

Goialdeko ezkerreko bi irudien eraikuntza sistema zein den ikertu dut, hori baitzen bilatzen nuena. Izan ere, eraikuntza sistema honeki sakonera bateko azalak lortzen dira eta hori egokia da platamormen oinarrirako, egitura moduan funtzionatzeko, sare moduko itxiturak egiteko...

Elementuen arteko lotura, maketan

Elementuen arteko lotura, planoetan

Ebaketaren marrazkia

Lantzen ari naizenaren eskemak:

Lekuari etekin handiagoa ateratzeko, ur azalean, ur azpian eta uretatik altxate egongo dira erabilera desberdinak

2012-10-8-ko zuzenketa:
BERRIZ ERE FORMAREN DISEINUAN ERORI NAIZ! GAIZKI!
Eraikuntza sistema honek ematen dituen aukerak aztertu behar ditut eta hori ondo adierazi. Horretan saiatuko naiz datozen egunetan!!!
...

Fatxadaren ordez, azala...

ARKITEKTURA ETA AZALA

Azala armiarma-sare gisa...

  Zinta itsaskorrarekin egindako armiarma-sare erraldoia                         Nested Skicraper, bigarren azala                             Bigarren azal gisa...

3 irudi + 3 esaldi...

Hiritarrak merkatua eraikitzera...

Jendearen izerdia flotantearen gasolina

Plastikozko botilak berrerabili ditzagun...